|
Bô Yin Râ
estas la propra, spirita nomo de Joseph Anton Schneiderfranken, kiu naskiĝis en 1876 en Aschaffenburg (Germanio) kaj mortis en 1943 en Massagno-Lugano, Svislando (kien li translokiĝis en 1923). Li studis la pentradon en la akademio ‘Städel’ en Frankfurto ĉe Majno kaj en la akademioj de Munkeno, Parizo kaj Vieno. Krom pejzaĝoj, precipe grekaj, li kreis “spiritajn” bildojn, kiuj malfermas perspektivojn de spirita-kosmaj regionoj.
Apud lia ampleksa pentra verko li kreis spiritan instruverkaron, serion da libroj kiun li nomis “Hortus Conclusus” , ĉirkaŭfermita ĝardeno. El nova post nova vidpunkto ĝi montras
al la serĉanto la vojon al la propra spirita prafundo. |
